Feeds:
Færslur
Athugasemdir

Posts Tagged ‘Veður’

IMG_2200

The Vestmannaeyjar archipelago is young in geological terms. The islands lie in the Southern Icelandic Volcanic Zone and have been formed by eruptions over the past 10,000–12,000 years. The volcanic system consists of 70–80 volcanoes both above and below the sea.[3]
The largest island, Heimaey, has a population of 4,135. The other islands are uninhabited, although six have single hunting cabins. Vestmannaeyjar came to international attention in 1973 with the eruption of Eldfell volcano, which destroyed many buildings and forced a months-long evacuation of the entire population to mainland Iceland. Approximately one fifth of the town was destroyed before the lava flow was halted by application of 6.8 billion litres of cold sea water.[2]
With extremely high precipitation considering the latitude, Vestmannaeyjar features an ET Tundra climate (closely bordering Subpolar Oceanic (Cfc)) under the Köppen climate classification. It is often very windy in the islands, and the highest wind speed measured in Iceland (61 metres per second;140 mph) was recorded in Stórhöfði. The main wind directions are easterly and south-easterly. The islands enjoy the country’s highest average annual temperature, the Gulf Stream having a strong warming effect, especially in winter. (Text Wikipedia)
The following recording was made at Stórhöfði 31st of March 2016 in a windspeed around 20 m. pr/sec

Stormur í Vestmannaeyjum

Upptaka þessi var hljóðrituð hádegi á Stórhöfða þann 31. mars 2016 stuttu áður en viðvera á Stórhöfða varð óbærileg vegna veðurs.
Þarna hvín ansi hátt í stögum á loftnetsmöstrum sem eru sunnan við vitahúsið. Hljóðnemarnir voru hafðir skjólmegin við húsið á meðan á upptöku stóð. Gera má ráð fyrir að vindstyrkur hafi náð þarna 20m/sek en síðar um kvöldið komst vindstyrkur upp í 35m/sek og enn meira í hviðum.

  (mp3 192kbps / 30Mb)

Recorder: Sound devices 744
Mics: Sennheiser MKH20 (AB40)
Pics: Canon EOS-M (see more pictures)
Location: 63°23’58.7″N 20°17’19.2″W

Read Full Post »

Starri á leið í hreiður

Vindur, væta og kuldi er lýsandi fyrir veðráttuna vorið 2011. Fuglar hættu við eða frestuðu varpi. Á sumarsólstöðum var ég staddur á friðlandi í Flóa í leit af fuglahljóðum. Ekki gekk það vel því úti var bæði rok og rigning. Á meðan ég lét tímann líða ákvað ég að taka upp inni í fuglaskoðunarhúsinu. Reglulega mátti heyra þrusk í starra sem var við hreiðurgerð í þakskegginu, nokkuð seint en líklega vegna ótíðar. Hér heyrist helst í vindi lemja kofann, í mófuglum og einmanna kind. En öðru hverju heyrist þrusk sem er annaðhvort vegna þess að starrinn er að koma eða fara og stundum að krafsa í vegginn. Ekki var að heyra að komnir væru ungar enda var hann í óða önn að bera strá í hreiðrið. Hér er á ferð ein af þeim upptökum þar sem ég gerði engar kröfur um árangur, en viti menn, hún skilar óvæntum uppákomum. Nokkuð sem gerist ansi oft ef maður einfaldlega byrjar að taka upp, skilur tækin eftir og hverfur sjálfur af vettvangi.

__________________________________

Foolish weather at summer solstice.
The spring at 2011 will be remembered as one of the strangest season for a long time in Iceland. The weather was cold, windy and wet, even snowing in June in the north and east. Many birds waited for nesting or even skiped it this year. Because of food shortage in sea many popular birds species like Puffins and Sterna at coast side have almost disappeared. In south west Iceland the weather was not so bad but anyway some birds was late to make their nest.
This session was recorded 21st of June, inside the bird watching house in nature reserve in Flóa, south Iceland. Because of wind and rain I could not record outside, so I just started recording inside the house. During that time I was outside, walking around and “waiting for better weather”. Wind was blowing in the house trough open window, in fact so much, Deadkitten dressed microphones could sometimes not withstand the wind. Outside birds and sheeps have their daily life. But under the roof of the house a sparrow was making a nest. Most of his action is audible trough the blowing wind as a wing flaps and “scratches” on the wooden wall.
This is one of the many recording there I did not expect anything, but surprise, the record have a plot.
Recorder: Korg MR1000 / w. Sound devices 552 preamp. 24bit/96khz
Mics: Rode NT1a
Pix: Canon D30 (see more pictures)

Sækja mp3 skrá (192kbps / 21Mb)

Read Full Post »

Ekki er hægt að segja að veðrið hafi verið skemmtilegt það sem af er aprílmánuði.  Kuldi, hávaðarok og leiðinda rigning eða éljagangur.
Einn versti dagurinn var líklega 10. apríl. Þá gerði hávaðaútsýning um allt land, ekki síst á Suður- og Vesturlandi. Margir urðu veðurtepptir víða um land. Útihús og þök fuku og tré brotnuðu í görðum, þar á meðal í garðinum mínum. Á meðan mest gekk á var ég víðs fjarri á ofboðslegu tertu- og kökuáti í fermingarveislu. Þegar heim var komið var garðurinn í rúst og veðrið gengið niður. En áfram gekk þó á með hvössum éljum svo það buldi á húsinu á meðan á því gekk. Ég setti því hljóðnema upp á háaloft þar sem greinilega mátti heyra það sem á þakið féll.

________________________________

Waiting for the spring.
Hail storm recorded in storage under a roof.
Recorder: Sound devices 552. 24bit/48khz
Mics: Rode NT1a (NOS 90°/30cm)
Pix: Canon 30D

Sækja mp3 skrá  (192kbps / 14,5mb)

Read Full Post »

Þennan föstudag fyrir tæpum 2000 árum telja kristnir menn að Jesú hafi verið krossfestur. Það var fátt sem minnti á þann atburð 3. apríl 2010 þegar ég var staddur á Ísafirði. Ég gerði mér þó ferð að kirkjugarðinum í Engidal við Skutulsfjörð þar sem finna mátti nokkurt safn af krossum á leiðum kristinna manna. Því má segja að það hafi verið nokkuð táknræn ferð þó tilefnið hafi fyrst og fremst verið að forðast vélarhljóð nærri mannabyggðum.
Mikið vetrarríki ríkti þennan dag með talsverðu frosti. Gekk á með hvössum, dimmum  hríðarbyljum og skafrenningi. Það var því ærið tilefni til að reyna að fanga andrúmsloftið í kirkjugarðinum sem eflaust öllum lifandi verum hefði þótt kuldaleg upplifun.
Tekið var upp á Korg MR1000 í 24bit/192Khz. Hljóðnemar voru Sennheiser ME64 í Rode Blimp vindhlífum sem voru í u.þ.b. 80°.
Helst heyrist í vindinum sem leikur um runnahríslur garðsins. Borði á kransi blaktir á nýtekinni gröf og strengur klappar fánastöng í fjarska. Þá sígur hljóðmaður öðru hvoru hor í nös þar sem hann hírist skjálfandi bak við húsvegg kapellunar í garðinum.  Það sem líklega heyrist aðeins sem lágvært suð hér á netútgáfu þessarar upptöku eru snjókornin sem strjúkast við snjóbreiðuna í skafrenningnum.
Á meðan á upptöku stóð fennti upptökutækið nærri í kaf. Upptökunni lauk þegar þrífóturinn sem hljóðnemarnir stóðu á fauk um koll. Það er þó ekki látið fylgja hér.
Ljósmyndin er tekin á upptökustað.
Sækja MP3 skrá.  192kbps / 29Mb

Read Full Post »

Vorið 2007 kom öflugasti krani Íslands til landsins. Er hann af gerðinni Gottwald HMK6407 og gegnir nafninu Jötunn. Vegur hann 420 tonn með lyftigetu 110 tonn á 22 radius-metrum og 40 tonn á 51 metrum. Sjálfur skagar hann u.þ.b. upp í 80 metra hæð með fullreista bómu. Hann getur því tekið á sig talsverðan vind þótt hann sé með grindarbómu.
Þá fáu daga sem vindur hreyfist í Reykjavík má heyra mikinn hvin við hafnarkranana. Þann 21. janúar 2010 gerði svolítið rok, en þó ekki meira en svo að hægt var að fara upp í  Jötun án þess að fjúka af 5 metra háum undirvagni hanns. Í turni kranans er nokkuð hár stigagangur sem liggur að stjórnklefanum. Á þennan turn spilar vindurinn oft á tíðum fjölskrúðugt tónverk í bland við mismunandi titring á þennan heljarmikla járnmassa. Upplifunin getur því verið eins og í góðu THX bíói.
Því miður er ekki hægt að skila þessum titringi í gegnum hljóðupptökuna en þegar upptakan fór fram tók turninn oft upp á því að titra á lágri tíðni í hressilegustu hviðunum. Í upptökunni má heyra það helst í bassanum en önnur hljóð koma líklega frá bómu, handriði, vírum og kösturum utandyra.
Þegar vindur er sem minnstur má heyra í loftræstikerfi töfluklefans sem staðsettur er u.þ.b. 15 metrum fyrir neðan upptökustað.
Tekið var upp á Olympus LS10 í 24bit/44Khz með MMaudio hljóðnema og tækið látið ganga í klukkutíma.
Veðurhæðin hafði talsvert gengið niður þegar upptakan fór fram. Vindurinn hafði reyndar ekki verið meiri en svo að ekket hafði fokið á Sundahafnarsvæðnu þennan dag. Það verður því gerð önnur tilraun til að taka upp á sama stað í verra veðri.
Myndin er af stigaganginum en upptakan fór fram í eftsu tröppum.
Sækja MP3 skrá.  (192kbps / 24,3Mb)

Read Full Post »

Fátt er skemmtilegra en að liggja einn í fjallaskála, finna vindinn skekja skálann og rigninguna berja rúðurnar. Það gefur manni sterka tilfinningu fyrir náttúrunni, ekki síst eftir langt og erfitt ferðalag þar sem maður hefur ekki verið truflaður af vélum eða stórkallalegum mannvirkjum.
Það er sjaldgæft að veður séu slæm á höfuðborgarsvæðinu, en slikar stundir eru til og þá fer maður sjaldnast út að tilefnislausu. Tilfinningin er heldur aldrei sú sama og á fjöllum. En þó, það er eitthvað rólegt við það að hlusta á rok og  rigningu berja rúðurnar.
Þann 11. desember 2009 var leiðinda veður í höfuðborginni. Það gaf tilefni til hljóðritunar þó það væri ekkert aftakaveður.
Stillti ég upp tveimur ME64 hljóðnemum í  svefnherberginu og tók upp í 16Bit / 44.1Khz. Veðrið var að mestu gengið niður þegar upptakan fór fram um kl 14:30. Heyra má í upptökuni háværan grunnsón. Er hann að mestu tilkominn frá bílaumferð en bæði Miklabraut og Reykjanesbraut eru í  u.þ.b. kílómeters fjarlægð. Rokið í trjánum á þó eitthvað í þessum hávaða líka. Þar sem hljóðnemarnir voru nálægt rúðum þá má greinilega heyra hávaðan að utan “sóna” með holum hljómi á milli tvöföldu rúðunnar. Þá má líka heyra í vekjaraklukkuni sem var á náttborðinu þar nærri. Myndin er tekin út um gluggann á meðan á upptöku stóð.
Sækja Mp3 skrá.  (192kbps / 8,8Mb)

Read Full Post »