Sækja MP3 skrá (192kbps / 15,5Mb)
Archive for október, 2009
Óveður í Sundahöfn
Posted in Náttúra, tagged Olympus LS10, Rigning, Sundahöfn, Vindur on 15.10.2009| Leave a Comment »
Sækja MP3 skrá (128kbps / 4,6Mb)
Júlímorgunn í Vesturdal
Posted in Náttúra, tagged Fuglar, Fuglasöngur, Lækur, Vesturdalur on 11.10.2009| Leave a Comment »
Það var heiðskírt og sólin var að gægjast upp fyrir sjóndeildarhringinn við Jökulsárgljúfur. Klukkan var 4:30 12.júlí 2009. Í Vesturdal liðast lítill, tær lækur í átt að Jökulsá á leið sinni til sjávar. Ofar í dalnum sváfu allir fasta svefni á tjaldsvæðinu. Það ríkti því dásamleg þögn. Aðeins heyrðist seytlið í læknum og einstaka tíst í fuglum. Tekið var upp á Korg MR1000 í 24 bit/198 kHz. Hljóðnemar voru tveir Sennheiser ME62 í 80° horni. Snúrur voru CAT6 1,5 metrar. Heildarlengd upptökunnar er 45 mínútur. Myndin er tekin á upptökustað
Sækja MP3 skrá (128kbps / 5mb)
Vanhæf ríkisstjórn
Posted in Mannlíf, tagged Alþingi, Austurvöllur, Óeirðir, Bankakreppa, Búsáhaldabylting, Bylting, Korg MR1000, Mótmæli, Protest, Sennheiser ME62 on 11.10.2009| 1 Comment »
Þann 24. janúar 2009 fór ég með hljóðnema niður á Austurvöll og tók upp stemninguna. Ræsti ég tækið austur undir Dómkirkjunni og gekk inn í mannþröngina framan við Alþingishúsið. Þar héldu allir á sér hita með taktföstum búsáhaldaslætti og trylltum vígadansi. Mátti þar m. a. sjá verðandi ráðherra í næstu ríkisstjórn. Upptakan stóð yfir í rúma klukkustund en því miður misheppnaðist hún gersamlega. Aðeins tíu fyrstu mínúturnar voru áheyrilegar. Notast var við Korg MR1000 og tvö stykki Sennheiser ME62 á T-spöng með 90° horn. Eftir fikt kvöldið áður gleymdust í hljóðnemunum ónýtar rafhlöður og þótt kveikt væri á Phantom power á upptökutækinu þá varð það ekki til þess að yfirtaka spennuna frá þessum ónýtu rafhlöðum. Hljóðdæmið hér fyrir neðan er því besti hluti þessarar upptöku. Myndin er tekin á Nokia síma, 21. janúar 2009 við Alþingishúsið rétt fyrir kl. 1. Síðar hefur komið í ljós að á þeirri stundu var lögreglan hársbreidd frá því að ganga til bols og höfuðs á mótmælendum. Það hefði endað með subbulegu blóðbaði.
Sækja MP3 skrá (192kbps / 17,5mb)
Tyggjókóngurinn í Skálholtsskóla 1978
Posted in Music & release, tagged Music, Music & release, Skálholt, Skálholtsskóli on 11.10.2009| Leave a Comment »
Þá er komið að því að setja fyrsta efnið inn á vefinn. Hér er á ferðinni upptaka frá því 1978. Sá sem syngur er Þorleifur Magnús Magnússon (Brói), sonur Laufeyjar Jakobsdóttur, “Ömmu” í Grjótaþorpi, sem bjargaði mörgum ofurölvi unglingnum á þessum árum. Upptakan er líklega frá því í febrúar 1978 og tekin upp í Skálholtsskóla þar sem við báðir, Brói og ég, stunduðum nám veturinn 1977-1978. Tekið var upp á Kenwood KX520 kassettutæki með dynamískum Kenwood MC501 hljóðnemum. Á þessum árum voru kassettur mjög dýrar. Því var oftast nær tekið upp á mjög lélegar kassettur eins og heyra má á upptökunni.
Sækja MP3 skrá (128kbps / 5mb)
Vefsíðan Hljóðmynd fer á vefinn
Posted in Óflokkað on 3.10.2009| Leave a Comment »
Það hefur tekið þó nokkurn tíma að koma þessari síðu af stað. Aðallega er það vegna leti, þó hefur nú blessuð „kreppan“ gefið mér tíma til að sinna áhugamálum fremur en eintómu brauðstriti. Vefsíðan mun útvarpa og birta myndir af því í mannlíf, umhverfi og náttúra hefur upp á að bjóða. Hversdagslegustu hlutir geta oft á tíðum verið afar merkilegir ef við gefum okkur aðeins tíma til að nota skynfærin. Ég vona því að Hljóðmynd muni gefa einhverjum tilefni til að staldra við og njóta.